Pasi Spanja u shpall kampione bote ndaj Argjentinës pas 39 ditësh dhe 104 ndeshjesh, ESPN ka publikuar listën e 11-shes më të mirë dhe asaj më zhgënjyese të turneut, me autor Mark Ogden. 11-shja më e mirë e Botërorit Në portë është zgjedhur Vozinha i Cape Verde, 40 vjeç, i cili mbajti portën e paprekur ndaj Spanjës dhe bëri pritje vendimtare ndaj Messit. Mbrojtja përbëhet nga 4 emra, 3 prej tyre spanjollë:  Djed Spence (Angli), Pau Cubarsi dhe Aymeric Laporte dhe Marc Cucurella (të tre Spanja). Në mesfushë dhe sulm: Rodri (Spanja) si organizatori më i mirë në botë, Ayyoub Bouaddi (Maroku) si zbulimi i turneut në moshën 18 vjeç, Lionel Messi (Argjentina) në Botërorin e gjashtë në moshën 39-vjeçare, Jude Bellingham (Angli) me 7 gola, Kylian Mbappe (Franca) fitues i Këpucës së Artë me 10 gola, dhe Erling Haaland (Norvegjia) me 7 gola duke barazuar rekordin e debutimit të Grzegorz Lato nga viti 1974. 11-shja më e dobët Në portë: Fernando Muslera (Uruguaji) me 3 gabime që çuan në gola. Mbrojtja: Joshua Kimmich (Gjermani), Virgil van Dijk (Holanda), Marc Guehi dhe Nico O'Reilly (të dy Anglia). Mesfusha dhe sulmi: Federico Valverde (Uruguaji), Scott McTominay (Skocia), Bruno Fernandes (Portugali), Florian Wirtz (Gjermani), Christian Pulisic (SHBA) i cili shkëlqeu vetëm në pjesën e parë ndaj Paraguait dhe më pas u zhduk, dhe Neymar (Brazil) me vetëm 37 minuta lojë në total. Për ESPN, përfshirja e Neymar ishte gabim i Carlo Ancelottit, pasi i mori vendin një lojtari më të ri dhe më në formë si Joao Pedro. KosovaPress