Ka përfunduar 15-minutëshi i parë i vazhdimeve në finalen e Kupës së Botës 2026 mes Spanjës dhe Argjentinës, me rezultatin ende të pandryshuar 0:0.

Spanja vazhdoi të dominojë edhe në kohën shtesë, duke mbajtur kontrollin e lojës dhe duke ushtruar presion të vazhdueshëm ndaj mbrojtjes argjentinase. "Furia e Kuqe" ishte shumë pranë golit në minutën e 99-të, kur Nico Williams dërgoi topin në rrjetë, duke ndezur festën e spanjollëve.

Megjithatë, pas rishikimit të aksionit, goli u anulua për shkak të një faulli të Mikel Merinos ndaj mbrojtësit argjentinas Nicolás Otamendi në ndërtimin e aksionit, duke bërë që rezultati të mbetej i pandryshuar.

Pavarësisht zhgënjimit pas golit të anuluar, Spanja vazhdoi të ishte skuadra më kërkuese në fushë, duke insistuar në sulm dhe duke mos i lënë shumë hapësira Argjentinës për të rrezikuar.

Me përfundimin e 15 minutave të para të vazhdimeve, finalja mbetet e hapur dhe gjithçka do të vendoset në 15 minutat e fundit të kohës shtesë, ose, nëse nuk ka fitues, përmes ekzekutimit të penalltive.

kosovaPress