Kritikat për lojën e ashpër të Argjentinës në finalen e humbur 1-0 ndaj Spanjës nuk kanë shqetësuar tifozët në Buenos Aires.

Për ta, bëhet fjalë për pasion dhe jo për sjellje antisportive.

Sipas agjencisë AFP, Argjentina u etiketua si skuadra e padëshiruar e turneut.

Kritikët folën për ndërhyrje të rënda, përplasje në fushë dhe për faktin se lojtarët i kthyen shpinën Spanjës gjatë marrjes së trofeut.

New York Times e quajti paraqitjen të papëlqyeshme, ndërsa ish-lojtarë dhe figura publike e kritikuan skuadrën në rrjete sociale.

Në Argjentinë reagimi është ndryshe.

Mijëra tifozë pritën ekipin pranë aeroportit të Ezeizës. Shumë e shohin kritikën si pjesë të identitetit të tyre. Një tifoz tha se e ngatërrojnë arrogancën me krenarinë.

Gazetarë sportivë në vend pranojnë se një pjesë e kritikave është e drejtë. Ata thonë se kodet e futbollit argjentinas, me provokime dhe mburrje, nuk kuptohen gjithmonë nga publiku global. Edhe kthimi i shpinës në ceremoni nuk u pa si veprim i duhur.

Gjatë Kupës së Botës pati edhe akuza për racizëm.

FIFA dënoi një rast ku një tifoz argjentinas ofendoi influencuesin amerikan IShowSpeed. Edhe aktori Samuel L. Jackson kritikoi Argjentinën.

Një sociolog nga Universiteti Kombëtar i San Martinit tha se racizmi në futboll ekziston dhe nuk duhet mohuar, por nuk duhet përgjithësuar për gjithë shoqërinë.

KosovaPress