Komunës së Suharekës i është zhbllokuar sot llogaria bankare, ka bërë të ditur kryetari i saj, Bali Muharremaj. Kryetari Muharremaj ka theksuar se ‘puna do të vazhdoj e nuk do të ndalemi asnjëherë, për shërbim ndaj qytetarëve’. “Presioni publik dha rezultat”, ka shkruar Muharremaj në Facebook. Kryetari Muharremaj dje ka kritikuar nivelin qendror, në këtë rast Qeverinë e Kosovës se i kanë bllokuar kësaj komune llogaritë bankare. Për këtë ka reaguar menjëherë ministri i Financave, Hekuran Murati, i cili e ka quajtur ‘dezinformatë’.