Zgjedhjet 2025
Fillon periudha e votimit përmes postës për votuesit jashtë Kosovës
Komisioni Qendror i Zgjedhjeve ka njoftuar se ka filluar periudha e votimit përmes postës për të gjithë shtetasit e Kosovës të cilët janë regjistruar për të votuar nga jashtë Kosovës dhe që kanë përzgjedhur këtë mënyrë votimi. Sipas njoftimit të KQZ-së kjo periudhë 9 janar – 8 shkurt 2025 do të vlejë vetëm për shtetasit që kanë arritur të regjistrohen suksesshëm si votues jashtë Kosovës dhe që gjatë regjistrimit janë përcaktuar individualisht për mënyrën e votimit, duke dërguar fletëvotimin përmes postës në një nga kutitë postare të hapura nga KQZ jashtë Kosovës, apo duke dërguar fletëvotimin përmes postës në kutinë postare të KQZ-së në Kosovë. “Shtetasit e Kosovës të cilët janë regjistruar për të votuar fizikisht në njërën nga përfaqësitë diplomatike të Republikës së Kosovës, njoftohen se procesi i votimit do të mbahet më 8 shkurt 2025. Komisioni Qendror i Zgjedhjeve ka njoftuar individualisht të gjithë votuesit e regjistruar për të votuar përmes postës për procedurën e votimit”, thuhet në njoftim. Të gjithë shtetasit e Kosovës që janë regjistruar për të votuar sipas kësaj mënyre, adresat e kutive postare të KQZ-së jashtë Kosovës, por edhe të kutisë postare të KQZ-së në Kosovë, mund t’i gjejnë këtu: / KQZ poashtu ka dhënë edhe udhëzime se di duhet të votohet: Të gjithë shtetasit e Kosovës që janë regjistruar për të votuar përmes postës, për të dërguar pakon me fletëvotim në kutinë postare të KQZ-së në Kosovë ose në ndonjërën nga kutitë postare të KQZ-së jashtë Kosovës, duhet të ndjekin udhëzimet e KQZ-së për votimin përmes postës. Hapi 1: Plotësoni fletëvotimin 1.            Shkarkoni dhe printoni fletëvotimin.2.            Në anën e majtë të fletëvotimit janë të renditura subjektet politike. Zgjidhni vetëm një subjekt politik.3.            Në anën e djathtë, mund të votoni deri në dhjetë kandidatë.4.            Pasi të plotësoni fletëvotimin:•              Paloseni fletëvotimin, vendoseni brenda zarfit dhe mbylleni zarfin.•              Mos shkruani asgjë mbi zarf! Hapi 2: Dërgoni fletëvotimin 1.            Printoni dëftesën e regjistrimit që e keni pranuar përmes email-it gjatë periudhës së regjistrimit.2.            Brenda zarfit të dytë, vendosni:•              Zarfin e mbyllur me fletëvotimin e plotësuar.•              Dëftesën e regjistrimit.3.            Mbi zarfin e dytë:•              Shënoni adresën e kutisë postare të KQZ-së (bashkangjitur në këtë email gjeni adresat e kutive postare të KQZ-së).•              Vendosni një pullë postare.4.            Dërgojeni zarfin në postën më të afërt të shtetit ku jetoni. Kujdes! Që fletëvotimi juaj të jetë i vlefshëm:•              Dërgesa duhet të jetë individuale (nuk mund të përfshini fletëvotime për anëtarët e familjes apo persona të tjerë).•              Zarfi duhet të ketë pullën postare dhe të dërgohet nga shteti ku jeni regjistruar.
Video
Publikuar: 16/02/2025 - 09:35
Dështimi i LDK-së në zgjedhje, kërkohet llogaridhënie nga Abdixhiku
Videot e fundit
Të gjitha nga Video
Dështimi i LDK-së në zgjedhje, kërkohet llogaridhënie nga Abdixhiku
LDK e VV rroken për një fletëvotim në Prishtinë
Deri më tash në Prishtinë janë numëruar rreth 40 kuti me vota për deputetë
Për kaq ditë do të përfundojë numërimi i votave të kandidatëve për deputetë
Kërstiq: Lista Serbe nuk përfaqëson interesat e serbëve të Kosovës
Në Mitrovicë vazhdon numërimi i votave për deputetë
KQZ: Në 14 komuna tjera fillon numërimi i votave të kandidatëve për deputetë
Policia bllokon hapësirën ku ndodhi rasti i vrasjes në Skenderaj
Mark Rutte: NATO do të punojë me këdo që udhëheqë Kosovën
KQZ tregon arsyen e mospërputhjes së numrit të votave dhe pjesëmarrësve në zgjedhje
Tendencë mes partive serbe për blerje të votave
Tendencë mes partive serbe për blerje të votave
Ahmet Isufi: Sërish në parlament, për siguri dhe mirëqenien e qytetarëve
Berisha i AAK-së: Kosova ka nevojë për ndryshim esencial politik
Një jetë kushtuar fuqizimit të gruas
Durmishi: Vetëvendosje, garanci për një Kosovë sovrane e me integritet territorial
Demaku premton përkrahje për kategoritë e dala nga lufta, policinë dhe ushtrinë
Kjo webfaqe mirëmbahet dhe menaxhohet nga Agjencia e Lajmeve KosovaPress. KosovaPress mban të drejtat e rezervuara me copyright sipas dispozitave ligjore për të drejtat e autorit dhe pronës intelektuale. Përdorimi, modifikimi dhe shpërndarja për qëllime komerciale pa marrëveshje me KosovaPress, ndalohet rreptësisht.
Ky aplikacion uebsajti është zhvilluar me mbështetjen e #SustainMedia Programme, i bashkëfinancuar nga Bashkimi Evropian dhe Qeveria Gjermane, ndësa implementohet nga GIZ, DW Akademie dhe Internews. Përmbajtja e tij është përgjegjësi vetëm e KosovaPress dhe nuk pasqyron domosdoshmërisht pikëpamjet e BE-së apo të Qeverisë Gjermane.
Të gjitha të drejtat e rezervuara nga A.P.L. KosovaPress © 2002-2025