Prokuroria nis hetimet për vdekjen e foshnjës të porsalindur në Ferizaj
Siguri
Lexohet për: 2 min.
Dëgjoje me zë...
Prokuroria nis hetimet për vdekjen e foshnjës të porsalindur në Ferizaj
Prokuroria Themelore në Ferizaj ka njoftuar se është duke hetuar rastin e vdekjes së foshnjës të porsalindur në Emergjencën e Spitalit të Ferizajt.
Sipas njoftimit, Prokurori i Shtetit është informuar nga Sektori Rajonal i Hetimeve në Ferizaj lidhur me rastin, ndërsa me vendim të prokurorit kujdestar është iniciuar hetim për veprën penale “Vrasja e foshnjës gjatë lindjes”, sipas nenit 176 të Kodit Penal të Republikës së Kosovës.
E dyshuara, në këtë rast ndodhet në trajtim në repartin gjinekologjik të Spitalit të Ferizajt.
Ndërkohë, me urdhër të Prokurorit të Shtetit, trupi i pajetë i foshnjës është dërguar për obduksion në Institutin e Mjekësisë Ligjore në Prishtinë.
Prokuroria ka bërë të ditur se po ndërmerren të gjitha veprimet e nevojshme hetimore për zbardhjen e plotë të rrethanave të rastit.
Zëdhënësi i Policisë së Kosovës për rajonin e Ferizajt, Kanun Veseli ka bërë të ditur për KosovaPress se fillimisht foshnja ishte në gjendje të rëndë shëndetësore dhe ka ndërruar jetë pas pak kohe.
Foshnja është dërguar në Institutin e Mjekësisë Ligjore në Prishtinë ndërsa e dyshuara ndodhet në spitalin e Gjinekologjisë në Ferizaj.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
