Rikthehet furnizimi me energji elektrike pas ndërhyrjeve në rrugën “Don Shtjefën Kurti”
Lajme
Lexohet për: 3 min.
Dëgjoje me zë...
Rikthehet furnizimi me energji elektrike pas ndërhyrjeve në rrugën “Don Shtjefën Kurti”
Foto Ilustruese
30/03/2026 - 14:03
Linku u kopjua
Operator Sistemi, Transmisioni dhe Tregu-KOSTT bën të ditur se, është rikthyer furnizimi me energji elektrike në zonat e prekura përmes një zgjidhjeje të përkohshme, ndërkohë që ekipet tona po vazhdojnë angazhimin për garantimin e sigurisë së furnizimit për NS Prishtina 6, raporton KosovaPress.
Sipas KOSTT, dëmet e konsiderueshme nga shembja e dheut e ndodhur dje në orët e pasdites në rrugën “Don Shtjefën Kurti” kanë kërkuar masa sigurie, në fazën fillestare punimet kanë qenë të kufizuara dhe janë zhvilluar në mënyrë të kontrolluar, në përputhje me standardet dhe kërkesat përkatëse.
“KOSTT shpreh mirënjohje për përkushtimin dhe punën e palodhshme të ekipeve tona, si dhe falënderon qytetarët për mirëkuptimin dhe bashkëpunimin e treguar”, thuhet në njoftim.
Dje, shembja e një pjese të rrugës “Don Shtjefën Kurti” në Prishtinë ka shkaktuar dëmtime në infrastrukturën energjetike, e cila ka prekur rrjetin transmetues në nivelin 110 kV.
Operator Sistemi, Transmisioni dhe Tregu-KOSTT tha dje se, si pasojë e shembjes së dheut në rrugën “Don Shtjefën Kurti” në Prishtinë dhe dëmtimeve të shkaktuara në infrastrukturë, është prekur edhe rrjeti transmetues në nivelin 110 kV, raporton KosovaPress.
Një rrëshqitje masive e dheut në rrugën “Don Shtjafën Kurti”, në Prishtinë ka shkaktuar dëme të mëdha infrastrukturore, duke bllokuar plotësisht rrugën dhe duke lënë një pjesë të kryeqytetit pa furnizim me energji elektrike dhe ujë të pijshëm.
Po ashtu,
Kompania Rajonale e Ujësjellësit “Prishtina” ka njoftuar se tashmë është sanuar defekti nga ekipet e mirëmbajtjes së rrjetit të ujësjellësit, që ndodhi si pasojë e shembjes në rrugën “Don Shtjefën Kurti” në kryeqytet. Uji tashmë është rikthyer në rrugët ku u ndërpre furnizimi, raporton KosovaPress.
“Sapo u sanua defekti nga ekipet e mirëmbajtjes së rrjetit të ujësjellësit
Për shkak të rrëshqitjes së dheut dhe dëmtimit të rrjetit të ujësjellësit, furnizimi me ujë dje ishte ndërprerë në rrugët e mëposhtme, deri në sanimin e gypit:
