Në seancën plenare të Kuvendit të Kosoëvs, kryeparlamentarja Albulena Haxhiu dhe deputetevë opoizitër në lidhje me ckatimin e seancës së jashtëzakonshme për diskutim p[ër për zgjedhjen e Presidentit, sot në orën 17:00.

Deputetja e AAK-së, Time Kadrijaj, pyeti se si është e mundur të caktohet një seancë e tillë.

“Kryetare e Kuvendit, asnjëherë – i shtati mandat – s’më ka ndodh që me u thirrë një seancë për me u diskutu për Presidentin. Si është e mundur? Thirret një seancë në orën 17:00, dhe cila është pika e rendit të ditës? Të diskutohet në Parlamentin e Kosovës për Presidentin. Jo kryetare, nuk diskutohet në Parlament për Presidentin. Në Parlament sillen emrat dhe aty votohet, por që të diskutohet, keni shpikë edhe një ngjarje të re, që s’ka qenë praktikë e s’ka qenë kurrkund”, tha ajo.

Reagoi kryetarja e Kuvendit, Haxhiu. Ajo përsëriti ftesën për të marrë pjesë në seancën e orës 17:00.

“Unë nuk di ku tjetër duhet të diskutohet për çështjen e Presidentit, nëse jo në Kuvendin e Kosovës. S’ka Zanzi bar-a më, më falni. Prandaj, deputete e nderuar, lejoni deputetët që ta ushtrojnë mandatin e tyre. Dëshirojnë që të flasin për çështjen e Presidentit dhe në këtë drejtim është e rëndësishme që të jeni të pranishëm në seancën e orës 17:00, deri atëherë duke shpresuar që kemi emra kandidatësh konsensualë për President”, tha Haxhiu.

Ndërsa, shefi i grupit parlamentar të PDK-së, Arian Tahiri, tha se për herë të parë vendi po shkon në zgjedhje për shkak të moszgjedhjes së Presidentit.

“Unë nuk e di zanzi bar-in, por e di që krizë për të zgjedhë presidentin ky vend nuk ka pasur kurrë. Hera e parë që vendi po shkon në zgjedhje si rezultat i mungesës së mbërritjes së konsensusit është tash, në kohën kur Lëvizja Vetëvendosje i ka 51.1% të votave. Nuk ka zanzi bar, por tash ka Dejonë. E Dejona me Albin Kurtin po krijojnë në vazhdimësi kriza politike”, tha ai.

Haxhiu tha se këtë debat mund ta vazhdojnë në orën 17:00, kur është caktuar seanca e jashtëzakonshme për të diskutuar për zgjedhjen e Presidentit.

“E vazhdojmë këtë debat në orën 17:00. E natyrisht që tash është më e vështirë se s’ka më pazare, e tenderë, e ambasada, e… Ju e dini më mirë se unë. Mos më shtini me i përmend, se të gjithë e dinë”, tha ajo.

Vetëvendosje kërkoi nga PDK-ja dhe LDK-ja tre emra për president si propozim konkret dhe përbashkues për zgjidhjen e kësaj çështjeje që po rrezikon ta çojë vendin sërish në zgjedhje.

Kryetari i LDK-së, Lumir Abdixhiku ia paraqiti në fundjavë Albin Kurtit emrin e Vjosa Osmanit dhe i kërkoi kryeministrit garanci se 66 deputetë të mazhorancës do ta votonin atë.

Kurti nuk është deklaruar ende për këtë, ndërsa afati i fundit për zgjedhjen e presidentit është dita e nesërme.

Nëse nuk zgjidhet presidenti i ri, Kosova do të mbajë zgjedhje të reja brenda 45 ditësh.

/Kosovapress/