Malisheva zbret sonte në fushë për ndeshjen e parë të raundit të parë kualifikues të Ligës së Konferencës, ku do të përballet me skuadrën e Vllaznisë.

Takimi do të zhvillohet në stadiumin “Loro Boriçi” në Shkodër, me fillim nga ora 20:00, ndërsa të dy skuadrat synojnë ta nisin me fitore aventurën e tyre në garat evropiane.

Skuadra shkodrane e pret këtë sfidë pas përgatitjeve intensive të zhvilluara gjatë ditëve të fundit, me stafin teknik që ka punuar në aspektin taktik dhe fizik për të qenë sa më e gatshme për përballjen ndaj ekipit kosovar.

Në anën tjetër, Malisheva do të kërkojë të marrë një rezultat pozitiv në transfertë, për të krijuar avantazh para ndeshjes së kthimit, e cila do të zhvillohet pas një jave në Kosovë.

Formacionet zyrtare:

Vllaznia (4-3-3): 12 Jukaj — 29 Musta, 3 Pusi, 4 Celikovic, 2 Gurishta — 11 Murataj, 6 Dros, 25 Qato — 22 Toma, 9 Balaj, 19 Ara

Malisheva (4-3-3): 1 Avdyli — 30 Vitija, 5 Kryeziu, 27 Skovga..., 20 Pira — 18 Nafiu, 6 Ferati, 2 Veliu — 7 Uka, 10 Xhylani, 99 Ibishi

KosovaPress