Christian Eriksen ka nisur fazën e rehabilitimit në Danimarkë, një muaj pasi pësoi një tjetër problem me zemrën gjatë ndeshjes miqësore mes Danimarkës dhe Ukrainës.

Mesfushori danez u rrëzua në fushë më 7 qershor, ndërsa defibrilatori i implantuar (ICD), i vendosur pas arrestit kardiak që pësoi në Euro 2020, ndërhyri për të rikthyer ritmin normal të zemrës.

Klubi i tij, Wolfsburg, njoftoi se 34-vjeçari do të zhvillojë rehabilitimin individual në vendlindje, në bashkëpunim me stafin mjekësor që po ndjek gjendjen e tij.

Ndërkohë, disa ekspertë të kardiologjisë kanë rekomanduar që Eriksen të mos rikthehet në futbollin profesionist, duke vlerësuar se rreziku për episode të ngjashme mbetet i pranishëm.

Pavarësisht paralajmërimeve, Eriksen ka vendosur të vazhdojë procesin e rikuperimit me synimin për t'u rikthyer në fushën e lojës, ndërsa e ardhmja e tij sportive do të varet nga ecuria e rehabilitimit dhe vlerësimet e mjekëve.

KosovaPress