ProCredit Superliga po vazhdon të ofrojë ndeshje të zjarrta në elitën e basketbollit kosovar, dhe në javën e 23-të, basketbollisti i Sigal Prishtinës, Deondre Burns, u shpall MVP i xhiros.

Në përballjen ndaj rivalit kryeqytetas, Borës, Burns e mbylli ndeshjen me 27 pikë, katër kërcime dhe gjashtë asistime. Performanca e tij theksoi ndikimin vendimtar në fitore dhe e vuri në qendër të vëmendjes.

Top 5 MVP të javës së 23-të:

Deondre Burns (Sigal Prishtina) – 27 pikë, 4 kërcime, 6 asistime, 27 indeksi

Altin Morina (Sigal Prishtina) – 17 pikë, 3 kërcime, 2 asistime, 22 indeksi

Erjon Kastrati (Golden Eagle Ylli) – 17 pikë, 3 kërcime, 2 asistime, 20 indeksi

Shawn Jones (Trepça) – 14 pikë, 10 kërcime, 3 asistime, 19 indeksi

Lejson Zeqiri (Bashkimi) – 14 pikë, 12 kërcime, 2 asistime, 18 indeksi

Me këto paraqitje, Sigal Prishtina vazhdon të tregojë forcën e saj në Superligë, ndërsa Burns po konfirmon statusin e tij si një nga yjet më të spikatur të kampionatit.

KosovaPress