Trajneri i Barcelonës, Hansi Flick është shumë pranë firmosjes së një kontrate të re me Barcelonën, e cila do ta mbajë trajnerin gjerman në klub deri në qershor të vitit 2028.

Ky lajm është konfirmuar nga presidenti i klubit, Joan Laporta, i cili është në një intervistë për RAC1 deklaroi se marrëveshja është arritur dhe zyrtarizimi pritet shumë shpejt.

Flick, i cili ka fituar besimin e drejtuesve dhe ka stabilizuar skuadrën, shihet si pjesë kyçe e projektit afatgjatë të Barcelonës. Rinovimi i tij konsiderohet një hap i rëndësishëm për vazhdimësinë dhe ambiciet e klubit në vitet e ardhshme.