Baton Zabërgja vazhdon formën fantastike shënon sërish në Ukrainë
Sport
Lexohet për: 1 min.
Dëgjoje me zë...
Baton Zabërgja vazhdon formën fantastike shënon sërish në Ukrainë
Sulmuesi i Kosovës, Baton Zabërgja, po kalon një moment fantastik me klubin ukrainas Metalist 1925 Kharkiv, duke realizuar edhe një tjetër gol në Kupën e Ukrainës.
Futbollisti kosovar ishte protagonist në fitoren e ekipit të tij me rezultat 3-0 ndaj Lokomotyv Kyiv, duke shënuar golin e parë të ndeshjes në minutën e 15-të dhe duke i dhënë epërsinë skuadrës së tij.
Me këtë fitore, Metalist 1925 siguroi kualifikimin në gjysmëfinale të Kupës së Ukrainës, ndërsa paraqitja e Zabërgjës u vlerësua shumë nga mediat dhe tifozët.
Për 24-vjeçarin ky ishte goli i dytë në tri ndeshjet e fundit, duke konfirmuar formën shumë të mirë që po kalon në futbollin Ukrainas.
Zabërgja, u transferua në Ukrainë pas paraqitjeve të mira me Dinamo City, në Shqipëri dhe vazhdon të tregojë potencial të madh në karrierën e tij.
KosovaPress
