Ylli brazilian, Neymar, nuk arriti t’i mbajë emocionet pas rikthimit të shumëpritur me kombëtaren e Brazilit në Kupën e Botës 2026. Sulmuesi 34-vjeçar u aktivizua në pjesën e dytë të fitores 3:0 ndaj Skocisë, duke luajtur ndeshjen e tij të parë me fanellën verdhejeshile pas afro tre vitesh mungesë për shkak të lëndimeve.

Pas vërshëllimës së fundit, Neymar u pa duke qarë në fushë, i pushtuar nga emocionet e rikthimit. Futbollisti brazilian kishte kaluar një periudhë të vështirë që nga dëmtimi i rëndë i ligamentit të gjurit në vitin 2023, ndërsa më vonë u përball edhe me probleme muskulore që e lanë jashtë fushave për një kohë të gjatë.

Rikthimi i tij erdhi në një mbrëmje perfekte për Brazilin. Dy golat e Vinícius Júnior dhe një tjetër nga Matheus Cunha siguruan fitoren ndaj Skocisë dhe vendin e parë në Grupin C, ndërsa Neymar krijoi disa raste të rrezikshme në minutat që luajti. Trajneri Carlo Ancelotti vlerësoi përkushtimin e lojtarit për t’u rikthyer dhe theksoi se ai vazhdon të ketë të njëjtin pasion për futbollin.

Përveç rikthimit në fushë, Neymar arriti edhe një moment historik, pasi u bë vetëm futbollisti i katërt brazilian që luan në katër Botërorë të ndryshëm dhe vetëm i dyti pas legjendës Pelé që mban fanellën me numrin 10 në katër edicione të Kupës së Botës.

Pamjet e lotëve të tij pas ndeshjes u përhapën menjëherë në rrjetet sociale, duke simbolizuar fundin e një periudhe të gjatë vuajtjesh dhe fillimin e një kapitulli të ri për një nga futbollistët më të talentuar të gjeneratës së tij.

Quando uma criança falou que o Neymar era o melhor jogador do Brasil, o Lula desmoralizou o Neymar e foi grosseiro com a criança na frente de todos.

Hoje, o Neymar entra em campo e é ovacionado em Miami ao som de “olé, olé, olé, olá, Neymar, Neymar”.

Lula, você mais uma vez foi… pic.twitter.com/JZhjZ5kryw

— Clarke de Souza (@clarke_de_souza) June 24, 2026

KosovaPress