Prokuroria Themelore në Ferizaj ka njoftuar se është ndaluar pronarin e kompanisë ku punonte tashmë i ndjeri nga Ferizaj.

Sipas Prokurorisë, N.E. është ndaluar për 48 orë, nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Rasti ka ndodhur në rrugën “Remzi Hoxha” në Ferizaj, ku një person ka rënë nga një objekt në ndërtim. Ekipet emergjente që kanë dalë në vendin e ngjarjes kanë konstatuar vdekjen e viktimës.

Sipas njoftimit, prokurori i shtetit ka udhëzuar Policinë dhe Inspektoratin e Punës për ndërmarrjen e veprimeve hetimore me qëllim të zbardhjes së plotë të rrethanave të rastit.

Me urdhër të prokurorit, trupi i pajetë i viktimës është dërguar për obduksion në Instituti i Mjekësisë Ligjore në Prishtinë.

Prokuroria ka bërë të ditur se ndaj të dyshuarit do të vazhdohet me procedurat e mëtejme ligjore brenda afatit të paraparë.