Presidenti i SHBA-së, Donald Trump, është rrugës drejt Ankarasë, Turqi, për samitin e këtij viti të NATO-s.

Samiti po zhvillohet në sfondin e luftës së Rusisë në Ukrainë dhe vjen menjëherë pas sulmeve vdekjeprurëse ruse në kryeqytetin ukrainas, Kiev.

Trump pritet të takohet me presidentin ukrainas, Volodymyr Zelensky, gjatë samitit. Të dy kanë zhvilluar një bisedë telefonike të shtunën.

Më pas, sipas Ministrisë së Jashtme të Rusisë, Trump ofroi sërish ndihmën e tij për t’i dhënë fund luftës gjatë një bisede gati 90-minutëshe me presidentin rus, Vladimir Putin, të dielën.

Presidenti amerikan kishte premtuar se do ta zgjidhte luftën brenda 24 orëve nga marrja e detyrës për herë të dytë, por më shumë se 500 ditë pas fillimit të mandatit të tij aktual, administrata e tij ende nuk ka gjetur një rrugë drejt paqes mes dy vendeve fqinje, pavarësisht përpjekjeve të shumta, shkruan rrjeti kabllor amerikan CNN, përcjell KosovaPress.