Studentët shqiptarë në Maqedoninë e Veriut kanë paralajmëruar një protestë të re, e cila do të mbahet nesër (e hënë) prej orës 16:30 para Urës së Gurit në Shkup, me kërkesën që provimi i jurisprudencës të mundësohet edhe në gjuhën shqipe.

Sipas njoftimit të studentëve, protesta do të zhvillohet nën moton “Bashkohuni me studentët – të gjithë një zëri”.

Studentët shqiptarë edhe më 6 prill të këtij viti protestuan duke kërkuar t’u lejohet ta mbajnë provimin e jurisprudencës në gjuhën e tyre amtare, në gjuhën shqipe.