Kandidati për deputet i Partisë Demokratike të Kosovës (PDK), Elmi Reçica, ka akuzuar Qeverinë Kurti për bllokimin e projekteve zhvillimore në Ferizaj, duke veçuar projektin e ujëmbledhësit në Jezerc.

Në një reagim publik, Reçica ngriti pyetjen se si është penguar zhvillimi i Ferizajt gjatë mandatit të qeverisë aktuale, duke paralajmëruar publikimin e një serie sqarimesh lidhur me këtë çështje.

Sipas tij, një nga projektet që nuk ka avancuar është ai i ujëmbledhësit në Jezerc, i cili konsiderohet me rëndësi për furnizimin me ujë dhe zhvillimin e zonës.

Reçica ka kritikuar ekzekutivin për, siç tha ai, mungesën e mbështetjes dhe vonesat në realizimin e investimeve strategjike për komunën e Ferizajt.

Ai ka paralajmëruar se në ditët në vijim do të publikojë edhe pjesë të tjera të analizës së tij mbi projektet që, sipas tij, janë bllokuar gjatë qeverisjes së Albin Kurtit.

Këto deklarata u bënë në kuadër të një serie reagimesh të kandidatit të PDK-së mbi zhvillimin ekonomik dhe infrastrukturor të Ferizajt.

/Kosovapress/