Ferran Torres mund të jetë bërë hero i Botërorit, por kjo mund të kthehet në problem për Barcelonën.

Sulmuesi shënoi golin e fitores në finalen e Kupës së Botës për Spanjën, duke u bërë pas Andres Iniestës vetëm i dyti spanjoll në histori që e arrin këtë, raporton Jason Pettigrove.

Në Camp Nou, Torres ka qenë kryesisht zëvendësues i besueshëm i Robert Lewandowskit. Herën e vetme që mori vazhdimësi ishte kur polaku ishte i dëmtuar.

Edhe pas largimit të Lewandowskit, interesimi i përditshëm për Julian Alvarez tregon se ai mund të mbetet sërish zgjedhje e dytë për Hansi Flick.

Në moshën 26-vjeçare, Torres po hyn në vitet më të mira dhe nuk dëshiron të qëndrojë në stol. Ai ka edhe 12 muaj kontratë dhe PSG-ja po e kërkon, ndërsa vlera e tij është rritur pas Botërorit.

Nga ana financiare, nëse qëndron, Barca duhet t'i paguajë Man City 8 milionë euro shtesë sipas marrëveshjes së transferimit. Nëse largohet, klubi fiton para, por humb një lojtar me 65 gola në 207 ndeshje.

Stili i tij me lëvizje pas shpinës së mbrojtjes i përshtatet lojës së Barcelonës dhe forma e treguar në finale tregon besim të madh, sipas FlashScore. Nëse Alvarez nuk vjen dhe Torres zgjedh PSG-në, Barcelona mund të nisë sezonin pa sulmues qendre dhe të pendohet.

KosovaPress