Ka përfunduar xhiroja e fundit dramatike në elitën e futbollit kosovar, duke vendosur përfundimisht fatin e skuadrave në tabelë.

Vëmendja kryesore ishte në luftën për mbijetesë, ku Drenica ka arritur një fitore jetike në kryeqytet ndaj Prishtinës me rezultat 1:2, duke siguruar tre pikë të arta që e shpëtojnë nga barazhi.

Nga ana tjetër, përkundër triumfit mjaft produktiv në udhëtim ndaj Ferizajt 2-3 ,KF Llapi nuk ka arritur t'i ikë rrezikut dhe mbetet zyrtarisht në zonën e barazhit.

Ndërkaq, kampioni Drita, e ka mbyllur sezonin me humbje, pasi Malisheva arriti ta mposhtë me rezultat 3:2 në një ndeshje festive për gjilanasit, të cilët megjithatë e mbyllin kampionatin në krye të tabelës.

Rezultatet e plota të xhiros së fundit:

• Prishtina 1 : 2 Drenica
• Malisheva 3 : 2 Drita
• Ferizaj 2 : 3 Llapi
• Dukagjini 1 : 0 Ballkani
• Gjilani 3 : 2 Prishtina e Re

Me mbylljen e këtij kampionati, verdiktet përfundimtare tashmë janë zyrtare: Drita shpallet kampione e këtij edicioni, e ndjekur nga Malisheva si nënkampione, ndërsa Ballkani siguron pjesëmarrjen në garat evropiane. Në fundin e tabelës, Llapi do të kërkojë mbijetesën përmes ndeshjes së barazhit, ndërsa Ferizaj dhe Prishtina e Re nuk ia dolën dhe bien zyrtarisht në Ligën e Parë.

KosovaPress