Pas fitores bindëse 3-0 në ndeshjen miqësore ndaj Andorrës në stadiumin "Fadil Vokrri", sulmuesi i përfaqësueses, Fisnik Asllani, ka zgjedhur që këtë sukses t'ia dedikojë Fatjon Bunjakut.

Përmes një postimi emocional në rrjetet e tij sociale, Asllani ka ndarë disa momente nga ndeshja si një shenjë nderimi për ndarjen e parakohshme nga jeta të futbollistit 22-vjeçar, Fatjon Bunjaku.

Ky dedikim i ndier ka prekur pa masë ndjekësit dhe opinionin publik, duke kthyer vëmendjen te solidariteti dhe dhimbja e madhe për humbjen e një talenti të ri, i cili u largua nga kjo botë në moshë të re.