“Në Kushtetuese është nder...”, debat për ligjin e Byrosë
Lajme
Lexohet për: 2 min.
Dëgjoje me zë...
“Në Kushtetuese është nder...”, debat për ligjin e Byrosë
Foto Ilustruese
Kuvendi i Kosovës po shqyrton në lexim të parë Projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme.
Deputeti i Lëvizjes Vetëvendosje, Adnan Rrustemi i ka lutur deputetët, në veçanti ata të Partisë Demokratike të Kosovës që të mos e dërgojnë në Kushtetuese këtë ligj.
“I kisha lutur deputetët, sidomos të PDK-së në rastin konkret mos ta dërgojnë në Gjykatën Kushtetues edhe një herë për të blerë kohë dhe për të na vonuar edhe për 18 muaj”, ka thënë ai.
Më pas i ka replikuar deputeti i Partisë Demokratike të Kosovës (PDK), Përparim Gruda, i cili tha se duhet të ketë konsultime në mes të dy leximeve.
“Propozimi është i thjesht zotëri Adnan, mes dy leximeve ulemi organizojmë konsultim publik, ulemi bashkë dhe adresojmë secilën vërejtje të Gjykatës Kushtetuese, e bëjmë në harmoni me Kushtetutën e Kosovës dhe vijmë e miratojmë bashkë. Sikur ti di të flas politikisht dhe të bëjë propagandë, unë sot u përmbajta dhe u përpjeka të them atë që është e vërtetë. Nëse po doni ta miratoni ligjin, lejoni konsultimin publik, lejoni diskutimin për ta bërë ligjin sipas Kushtetutës, nëse nuk e lejoni ju po tregoni që që nuk jeni të interesuar për ta miratuar ligjin. Nëse nuk e lejoni konsultimin publik, atëherë po na detyroni të shkojmë në Gjykatën Kushtetuese”, tha ai.
Ai tha se nuk është turp por nder që t’i drejtohen Gjykatës Kushtetuese.
“Mos ta paragjykojmë kush ku shkon se në Gjykatë Kushtetuese është nder me shku, nuk është turp. Është nder se është Gjykata Kushtetuese e Kosovës edhe është mbrojtëse e Kushtetutës. Nëse duam rezultat, duhet të koncentrohemi në debat profesional, debatin politik e kemi përfunduar për këtë çështje”, tha ai.
/Kosovapress/
Lajmi i plotë ëshë në sistemin me parapagim.
Abonohu për ti shfryëzuar shërbimet KosovaPress-it.
