Humoristi i njohur kosovar, Fadil Gashi, i cili u bë i famshëm përmes programit humoristik “Ue Ue Show”, është ndarë nga jeta.

Lajmi për vdekjen e tij është bërë i ditur përmes një njoftimi të publikuar në faqen zyrtare të grupit të humoristëve në rrjetin social “Facebook”.

“Nga kjo treshe prej sot kemi mbetur vetëm dy. Fadili ka ndërruar jetë, e ne si besimtar nuk na mbetet të themi tjetër vetëm se ajetet e të Madhit Allah për të cilat na tregoi Pejgamberi a.s: Të Allahut jemi, dhe tek Ai do të kthehemi”, thuhet në njoftim.