Kryetari i Lidhjes Demokratike të Kosovës (LDK), Lumir Abdixhiku tha se kanë miratuar dy deklarata në Kuvendin e Përgjithshëm të mbajtur sot. Njëra mbi gjendjen politike në Kosovë dhe tjetra për organizimin e partisë. Kështu tha Abdixhiku në deklaratën e tij pas votimit ku mori mbështetjen e mbi 50 për qind të votave në Kuvendin e LDK-së për të qëndruar në krye të kësaj partie, raporton KosovaPress.

Sa i përket zgjedhjes së presidentit ose presidentes në prill, Abdixhiku tha se janë të hapur për diskutim sa i përket çështjes së presidentit.

"Në kuvendin e punës të thirrur nga unë, u prodhua demokracia maksimale. Dhe në fund, si në asnjë rast tjetër një proces i paraqitjes së votëbesimit përmes votimit të fshehtë. Më shumë se kaq nuk besoj që mund të shkoj një parti, jo vetëm në rajon. Me votimin e mbyllur u dha verdikti për të cilin jam mirënjohës. Zotohem se do i ofrojë te gjithë, të gjej më të mirën përbrenda vetës. LDK ka miratuar dy deklarata në këtë kuvend, njëra është mbi gjendjen politike në Kosovë dhe tjetra për riorganizimin e LDK", tha Abdixhiku.

Ai tha se zgjedhjet e brendshme të partisë mbahen pas dy viteve.

Abdixhiku tha po ashtu se "do të reflektojmë të gjithë, përfshirë dhe mua", kur u pyet edhe për numrin e atyre qe votuan pro dorëheqjes së tij përmes votëbesimit të fshehtë.

"Rezultati është pasqyrim për mua. Rezultati është vlerë reale, dhe në këtë vlerë reale besoj që duhet të jemi të përgjegjshëm përballë vendimit të shumicës”, tha ai.

Ai më tej tha se janë të hapur për diskutim sa i përket çështjes së presidentit.

Ai tha se do të ulen me secilin lider politik, teksa u pyet se a do të takohet me kreun e LVV-së si fitues të zgjedhjeve.

"Marrëveshja politike është gjëja më bazike. Le të jetë demokracia e Kosovës si demokracia e LDK-së", tha ai.

Lumir Abdixhiku i ka ftuar te gjithë që të kthehen brenda shtëpisë së tyre politike, siç u shpreh ai, në funksion të plotë politik.

"Nëse je LDK, eja të kontrubosh”,  ka thënë Abdixhiku.

Tutje, Abdixhiku tha para mediave, se LDK ka nevojë për secilin.

Kuvendi i LDK-së i ka dhenë kohë 100 ditë Lumir Abdixhikut, për të hartuar programin.

Lajmi në përditësim...

https://kosovapress.com/ekskluzive-lumir-abdixhku-mbetet-kryetar-i-ldk

/Kosovapress/