Trajneri dhe analisti i njohur sportiv Ramiz Krasniqi, në emisionin “SportCast” të KosovaPress, ka folur për ndikimin e Lionel Messit në Argjentinë dhe për mënyrën se si kapiteni argjentinas ka ndryshuar qasjen e tij në këtë fazë të karrierës.
Krasniqi vlerësoi se Messi nuk kërkon që skuadra të luajë për të, por është shndërruar në një lider që vendos interesin e ekipit para atij personal.
“Mos të harrojmë që është 39 vjeç. Mendoj se së pari ai e vendos veten në interes të kombëtares, jo personal. Të fitosh edhe njëherë Kupën e Botës është diçka e veçantë. Edhe pse nuk jam simpatizues i tij i madh, si futbollist ia heq kapelën, sepse është i një niveli shumë të lartë. Ajo që më ka pëlqyer është se ai është treguar një bashkëpunëtor i shkëlqyeshëm i kolektivit të Argjentinës. Ai ka luajtur për skuadrën, jo skuadra për të.”
Krasniqi theksoi se pavarësisht moshës, Messi vazhdon të kontribuojë në të gjitha fazat e lojës, duke ndihmuar edhe në aspektin defanziv, ndërsa ruan aftësinë për të bërë diferencën në momentet vendimtare.Krasniqi: Spanja është më e organizuar se Argjentina
“Spanja është jashtëzakonisht e komponuar dhe mendoj se është më e organizuar se Argjentina. Ata e kanë lojën në kontinuitet, ndërsa Argjentina ka diçka tjetër – në momente të caktuara shpërthen dhe luan disa minuta sikur të jenë bashkë prej shumë vitesh. Me pasime të shpejta krijojnë situata që të befasojnë.”
