Kombëtarja e Kosovës në konkurrencën e femrave ka dhuruar një spektakël të vërtetë në pjesën e parë të ndeshjes kundër Gjibraltarit, të vlefshme për kualifikueset evropiane.

"Dardanet" kanë shkuar në pushim të pjesës së parë me një avantazh të thellë prej 0-5.

Seria e golave nisi që në minutën e 3' me Donjeta Halilajn. Katër minuta më vonë, Erëleta Memeti dyfishoi shifrat në 0-2 (7'), përpara se Kaltrina Biqkaj të shënonte golin e tretë në minutën e 14'. Memeti u shfaq sërish protagoniste duke realizuar golin e saj të dytë personal në minutën e 20', ndërsa Lumbardha Misini finalizoi me një gol në minutën e 32'.

Me këtë dominim total në çdo aspekt, Kosova ka mbyllur praktikisht çështjen e fitores që në 45 minutat e para.

KosovaPress