Ka përfunduar pjesa e parë e ndeshjes ndërmjet Portugalisë dhe Republikës Demokratike të Kongos, ku skuadrat kanë shkuar në pushim me barazimin 1:1, pas një drame të vërtetë në minutat shtesë.

Ndeshja nisi në mënyrën më të mirë të mundshme për Portugalinë, që gjeti rrugën e rrjetës që në minutën e 6-të. Pas një asistimi të mençur nga Pedro Neto, Joao Neves u tregua i saktë med një goditje me kokë nga afërsia duke kaluar ekipin e tij në epërsi prej 1:0. Kongoja reagoi shpejt dhe rrezikoi seriozisht në minutën e 11-të me anë të Yoane Wissa, goditja e të cilit shkoi ngjitur me shtyllën.

Kur pritej që Portugalia të shkonte në pushim me avantazh, pikërisht në minutën e pestë shtesë të pjesës së parë (45+5'), Arthur Masuaku dërgoi një krosim të saktë në zonë, ku Yoane Wissa u shkëput mrekullueshëm dhe shënoi nga afërsia në tavanin e portës për të barazuar shifrat në 1:1.