Bayern Munich është i bindur se sulmuesi kryesor, Harry Kane, do të jetë gati për përballjen titanike të së martës kundër Real Madridit në çerekfinalen e Champions League.

Edhe pse Kane mungoi në fitoren e fundit 3-2 ndaj Freiburgut për shkak të një lëndimi në kyçin e këmbës, stafi mjekësor po punon intensivisht për rikuperimin e tij.

Sipas raportimeve nga AFP, optimizmi brenda kampit bavarez është i lartë, sidomos pas deklaratave të trajnerit Vincent Kompany dhe drejtorit sportiv Max Eberl, të cilët besojnë se anglezi do të udhëheqë sulmin në "Allianz Arena".

Statistikat e këtij sezoni konfirmojnë rëndësinë jetike të Kane, i cili ka shënuar 48 gola në 40 ndeshje, duke qenë njeriu kyç në synimet e Bayernit për lavdi evropiane.

Joshua Kimmich e ilustroi më së miri dëshirën e sulmuesit për të luajtur në këtë sfidë të madhe, duke deklaruar me humor:

"Ai do të luante edhe në karrocë invalidësh; pres që të jetë gati të martën".

Me titullin e Bundesligës tashmë në rrugë të mbarë, sytë e gjigantit gjerman janë përqendruar te thyerja e tabusë ndaj Real Madridit, të cilin nuk e kanë mposhtur që nga viti 2012.