Programi i ditës finale sjell përballje mjaft interesante dhe emocione të garantuara për tifozët në turneun prestigjioz “Rugby Europe Sevens – Conference 2, Kosovo 2026”.

Finalja për vendin e shtatë zhvillohet në ora 14:30, ku Kosova përballet me Greqinë, në një ndeshje ku vendasit synojnë ta mbyllin turneun me fitore.

Menjëherë pas saj, në ora 15:00, Mali i Zi dhe Bosnja dhe Hercegovina do të luftojnë për vendin e pestë, duke premtuar një duel të fortë ballkanik.

Në ora 15:30 zhvillohet finalja për vendin e tretë, ku Estonia përballet me San Marinon për medaljen e bronztë.

Kulmi i ditës vjen në ora 16:00 me finalen e madhe të turneut, ku Gjibraltari dhe Sllovakia do të përballen për trofeun e kampionit, në një sfidë që pritet të jetë spektakolare.

Të gjithë sytë sot janë drejt Istogut  aty ku në turneun “Rugby Europe Sevens Conference 2”, do të shkruhet historia e kampionit të ri.

KosovaPress