Teksa afati i armëpushimit mes SHBA-së dhe Izraelit me Iranin po i afrohet fundit, ende nuk ka konfirmim për bisedime të reja paqeje.

Kryetari i parlamentit iranian ka shkruar në rrjetin X se Irani ka qenë duke u përgatitur për të treguar “karta” të reja në fushëbetejë gjatë dy javëve të fundit dhe se “nuk do të pranojë negociata nën hijen e kërcënimeve”.

Ndërkohë, presidenti amerikan Donald Trump ka mohuar se është nën presion për të arritur një marrëveshje, ndërsa mediat amerikane raportojnë se nënpresidenti JD Vance do të udhëtojë të martën në Pakistan për bisedime. Trump ka shtuar se është “shumë pak e mundshme” që armëpushimi dyjavor mes SHBA-së dhe Iranit, i cili skadon të mërkurën, të zgjatet.

Në Gjirin Persik, SHBA-ja vazhdon bllokadën e Ngushticës së Hormuzit pasi sekuestroi një anije mallrash me flamur iranian të dielën, ndërsa të dyja palët po akuzojnë njëra-tjetrën për shkelje të armëpushimit.

Ndërkohë, një raund i dytë bisedimesh mes Izraelit dhe Libanit pritet të mbahet të enjten, sipas një zyrtari amerikan, raporton BBC, përcjell KosovaPress.