Irani zotohet se asnjë “pikë e vetme” nafte apo gazi nuk do të kalojë përmes ngushticës së Hormuzit nëse vazhdon “agresioni” i Shteteve të Bashkuara të Amerikës.

Gardës Revolucionare të Iranit thotë se ka shënjestruar avionë amerikanë në aeroportin Aqaba të Jordanisë me raketa balistike.

Ajo gjithashtu pretendoi të hënën se dy cisterna nafte kishin shpërthyer dhe ishin bllokuar pasi tentuan të kalonin përmes asaj që e përshkroi si një rrugë të pasigurt jugore në ngushticën e Hormuzit, duke pretenduar se ato ishin inkurajuar nga ushtria amerikane për ta përdorur këtë kalim.

Deklarata e Gardës së Revolucionare Islamike nuk dha detaje për emrat e anijeve, flamujt, ekuipazhet apo viktimat, duke thënë se nuk mundi ta verifikonte menjëherë incidentin, transmeton The Guardian, përcjell KosovaPress.

Garda tha se ngushtica do të mbetet e pasigurt për sa kohë që vazhdon ajo që e quajti “agresion” amerikan në rajon, duke paralajmëruar se “ky kalim nuk do të jetë i sigurt për transportin e produkteve petrokimike, madje as edhe për një pikë të vetme nafte dhe gazi”.

Ajo gjithashtu paralajmëroi ushtrinë amerikane që të përgatitet për një “operacion ndëshkues”.