Interpol kap të kërkuarin për 10.900 bimë narkotike në Shkodër
Shqipëri
Lexohet për: 1 min.
Dëgjoje me zë...
Interpol kap të kërkuarin për 10.900 bimë narkotike në Shkodër
Në bashkëpunim me Interpol Tirana dhe autoritetet spanjolle, është finalizuar një tjetër fazë e operacionit policor të koduar “The Wanted”, duke çuar në ekstradimin nga Spanja në Shqipëri të një shtetasi të shpallur në kërkim ndërkombëtar.
Sipas një njoftimi të Policia e Shtetit, bëhet fjalë për shtetasin A.Z., 26 vjeç, banues në Milot, ndaj të cilit Gjykata e Shkallës së Parë e Juridiksionit të Përgjithshëm Shkodër kishte caktuar masën e sigurisë “arrest në burg”, për veprat penale që lidhen me kultivimin, prodhimin dhe shitjen e narkotikëve, si dhe pjesëmarrje në grup të strukturuar kriminal.
Sipas hetimeve, gjatë vitit 2023, në zonën e Shkodrës – përfshirë fshatin Kir në Njësinë Administrative Pult dhe zona pranë Thethit – i dyshuari, në bashkëpunim me persona të tjerë, ka kultivuar rreth 10 900 bimë të dyshuara narkotike të llojit Cannabis Sativa.
Sipas Policisë, falë shkëmbimit të informacionit dhe koordinimit operacional ndërmjet Interpol Tirana dhe Interpol Madrid, është bërë i mundur lokalizimi, arrestimi dhe ekstradimi i tij drejt Shqipërisë.
