Një aksident i rëndë trafiku që ndodhi mbrëmjen e së dielës në Zvicër, i mori jetën Blerim Salihut, djalit të heroit të kombit, Jashar Salihu.

Lajmi është bërë i ditur nga familjarët e të ndjerit.

“Familjarë shokë dhe miq, me dhimbje të thellë ju njoftoi se mbrëmë pas një aksidenti tragjik në Zvicër, ka humbur jetën djali i axhës tonë Blerim Jashar Salihu, (Blerimi ishte i biri i Gjeneral Jashar Salihut)”, thuhet në njoftimin mortor.

Për vdekjen e tij ka reaguar kandidati i PDK-së për deputet për Kuvendin e Kosovës, Xhavit Haliti, teksa ka shprehur dhimbjen për humbjen e parakohshme të Blerimit.

“I trishtuar nga lajmi për humbjen e jetës së Blerim Jasharit, djalit të mikut dhe bashkëveprimtarit tim, njeriut të madh të çështjes kombëtare, Jashar Salihut. Ngushëllimet më të sinqerta familjes, miqve dhe shokëve të Blerimit. Blerim, u prehsh në paqe!”, ka shkruar Haliti në Facebook, transmeton KosovaPress.

/Kosovapress/