Kandidati për deputet nga Lidhja Demokratike e Kosovës, Bardhyl Hasanpapaj, ka kritikuar ashpër qeverinë Kurti në emisionin “Pressing” për mungesë veprimi dhe për premtime të përsëritura pa rezultate konkrete.

Ai tha se qeveria aktuale po sillet sikur të ishte ende në opozitë, ndonëse ka qeverisur për katër vite, duke rikthyer vazhdimisht të njëjtat premtime që nuk u realizuan.

Ai theksoi se një qeverisje e suksesshme duhet të fokusohet tek projektet konkrete dhe shërbimi ndaj qytetarëve, dhe jo vetëm tek fjalët dhe premtimet elektorale.