Administrata Tatimore e Kosovës (ATK) bën të ditur se punëtorëve të cilëve u është refuzuar aplikimi për mbështetje në kuadër të Pakos për Përballje me Inflacionin 2.0 kanë të drejtë të paraqesin ankesë.

Sipas ATK-së, ankesa mund t’i drejtohet Komisionit të Ankesave në Ministrinë e Financave brenda afatit prej 30 ditësh nga data e pranimit të vendimit për refuzimin e aplikimit.

“Ankesa mund t’i drejtohet Komisionit të Ankesave në Ministrinë e Financave, brenda 30 ditëve nga data e pranimit të vendimit”, thuhet në njoftim.

Po ashtu, është bërë e ditur se formulari për paraqitjen e ankesës mund të plotësohet përmes platformës elektronike për parashtrimin e ankesave.

ATK u ka bërë thirrje qytetarëve që të respektojnë afatin e përcaktuar dhe të ndjekin procedurat e parapara për ushtrimin e së drejtës së ankesës.

Dje, ministri në detyrë i Financave, Hekuran Murati, bëri të ditur se janë ekzekutuar pagesat nga 100 euro për përfituesit që kanë plotësuar kriteret për mbështetje të njëhershme për punëtorët e sektorit privat, në kuadër të Pakos për Përballje me Inflacionin 2.0.

Aplikoni këtu për ankesë: Këtu

/Kosovapress/