Ministri në detyrë i Financave, Hekuran Murati, bën të ditur se janë ekzekutuar pagesat nga 100 euro për përfituesit që kanë plotësuar kriteret për mbështetje të njëhershme për punëtorët e sektorit privat, në kuadër të Pakos për Përballje me Inflacionin 2.0.

Murati ka bërë të ditur se ekzekutimi është kryer sipas paralajmërimeve të mëhershme, përcjell KosovaPress.

Ndërkaq, sa i përket masës për mbështetjen e studentëve, ai tha se komisioni vlerësues është ende duke vazhduar punën.

Sipas tij, studentët do të njoftohen sapo listat të jenë gati për ekzekutim.

Më 22 maj, Qeveria në detyrë ka miratuar një pako të re për përballje me inflacionin, përmes së cilës mori vendim për ndarjen nga 100 euro për pensionistët, fëmijët, studentët aktivë dhe punonjësit e sektorit joprivat. Afati i fundit për aplikim ishte deri më 5 qershor për punëtorët e sektorit privat.