Golashënuesi iranian Mohammad Mohebi është në qendër të polemikave pas ‘festimit me armë’, kur shënoi golin e barazimit kundër Zelandës së Re. Mesfushori shënoi në minutën e 64-të për t’i siguruar Iranit një pikë në ndeshjen e tyre të parë të Kupës së Botës.

27-vjeçari është kritikuar për sjelljet e tij pas golit, ku ai vendosi dy gishta në krah përpara se të shtrinte dy gishta në dorën e djathtë dhe t’i valëviste ato në ajër.

Momenti ka ndezur zemërim në mediat sociale, me përdorues të shumtë që sugjerojnë se veprimet e Mohebi ishin qëllimisht porvokuese. Nëse gjesti kishte për qëllim të imitonte një armë zjarri mbetet e paqartë.

Ndërkohë, golashënuesi tjetër Ramin Rezaeian pranoi se festimi i tij mbante nuanca politike pasi shënoi golin e parë të barazimit të Iranit, duke tërhequr bluzën mbi fytyrë ndërsa vraponte drejt tifozëve, pavarësisht kësaj, ai refuzoi të jepte detaje pas fishkëllimës së fundit.

“Është diçka politike. Nuk dua të flas për këtë. Ne jemi këtu për t’iu përgjigjur pyetjeve të futbollit. Nëse ka një problem midis nesh, është midis nesh”, tha ai.

Ekipi pa himnin e tyre kombëtar të fishkëllehej para fillimit të ndeshjes kundër Zelandës së Re, ndërsa tifozët shfaqën gjithashtu flamuj të epokës së vjetër në protestë kundër regjimit aktual në pushtet.

FIFA e ndaloi flamurin dhe pamjet gjithashtu treguan një të tillë që u konfiskua gjatë ndeshjes me Zelandën e Re.

KosovaPress