Kryetari i Aleancës, Ardian Gjini, ka deklaruar se partia e tij është e gatshme të kontribuojë në formimin e institucioneve të reja, por kërkon një zotim të qartë me shkrim për ndërmarrjen e veprimeve që, sipas tij, janë në interes të qytetarëve të Kosovës.

Në një konferencë për media, Gjini tha se Aleanca nuk ka asnjë kusht personal dhe nuk synon pjesëmarrje në qeverisjen e ardhshme.

Gjini tha se këto masa do t'i hapnin rrugë zhvillimit ekonomik, uljes së inflacionit dhe rritjes së prodhimit vendor të energjisë elektrike.

Duke iu përgjigjur pyetjeve të gazetarëve, sa i përket asaj që kanë quajtuar si absurde kandidimin e Ramush Haradinaj për president ai tha se nuk e kanë vendosur si kusht sa do që Kosova nuk do të kishte president më të mirë se ai.

"Nëse ka nevojë për kuorum, do ta bëjmë kuorumin. Na duhet pastjetwr se këto do të plotësohen përkundër. Nuk kërkojmë asgjë. Nëse Ramush Haradinaj do të kandidohej për president nuk do të ndryshonte kjo formulë, do të ishte nder, por nuk e kemi vendosur këtë si kusht. Ne mendojmë se Kosova nuk do të mund të kishte president më të mirë se Ramush Haradinaj tash, por ne nuk duam ta bllokojmë vendin. Jemi të gatshëm ta bëjmë kuorumin dhe nuk kemi asnjë kusht vetjak", tha ai.

E sa i përket se kush duhet të zgjidhet i pari presidenti apo kuvendi, apo a duhet kandidati për president të jetë partiak apo jo sipas tij, këto janë çështje se në këto momente as nuk duhet të ishin në vëmendje.

Ai tha se vetë fakti se partia e cila ka marrë vota më së shumti në zgjedhjet e fundit

“Sipas normave, së pari duhet të zgjidhet kryetari i Kuvendit, pastaj konstituimi i Kuvendit dhe krijimi i qeverisë e më pas presidenti… Vetë fakti që kjo bëhet temë na shtyn të besojmë se dikush prapë dëshiron të shtyjë një agjendë që nuk është unifikuese dhe në të mirën e qytetarëve të Kosovës, dhe që rrezikon ta dërgojë Kosovën prapë në krizë. Nëse kish politikanë që e duan vendin e vet, çfarë duhet të ishte temë kjo?... Në rrethana normale nuk do të ishte e rëndësishme a është politik apo jo politik, por duhet ta rikthejmë vëmendjen te nevoja e njerëzve. Nuk duhet të jetë temë kjo dhe vendosja e kushteve në këto momente na largon nga zgjidhja. Sa herë që vendosen kushte subjektive, zvogëlohen mundësitë në krijimin e një zgjidhjeje."

I pyetur se a ka pasur ftesë nga Lëvizja Vetëvendosje për një koalicion ai e mohoi atë dhe tha se edhe nëse do të marrin ftesë nuk do ta pranojë sepse sipas tij Aleanca ka kërkesën e vetme vetëm realizimin e kërkesave që kanë parashtruar.

I pyetur se nëse AAK do të realizojë takime me PDK dhe LDK për të bashkuar kushtet karshi Vetëvendosjes, ai tha se janë të gatshëm por jo për takime me interesa të përbashkëta.

Lajmi i plotë në sistemin me parapagim...

/Kosovapress/