Italia ka përmirësuar pozitën e saj në renditjen sezonale të UEFA-s për kualifikimin e një vendi shtesë në Liga e Kampionëve të edicionit të ardhshëm, duke u ngjitur në vendin e katërt dhe duke lënë pas Portugalinë.

Sipas përditësimit të fundit pas ndeshjeve evropiane të kësaj jave, klubet italiane janë ende në ndjekje të Gjermanisë, e cila mban pozitën e dytë, vend që siguron një biletë shtesë për Ligën e Kampionëve. Ndërkohë, Anglia e ka siguruar tashmë matematikisht vendin e saj shtesë, falë rezultateve të klubeve në Ligën e Evropës dhe Ligën e Konferencës, përveç Ligës së Kampionëve.

Renditja bazohet në pikët e fituara nga klubet e secilit shtet në garat evropiane gjatë një sezoni. Një fitore vlen dy pikë, një barazim një pikë, ndërsa jepen edhe bonuse për kalimin e fazave. Totali i pikëve pjesëtohet me numrin e klubeve pjesëmarrëse nga ai shtet. Në fund të sezonit, dy shoqatat e para fitojnë nga një vend shtesë në Ligën e Kampionëve.

Pas eliminimit të Juventusit dhe Interit, Atalanta mbetet përfaqësuesja e vetme italiane në Ligën e Kampionëve. Bologna dhe Roma vazhdojnë garën në Ligën e Evropës, ndërsa Fiorentina është ende aktive në Ligën e Konferencës.

Renditja aktuale sezonale e UEFA-s

Spanja – 17,031 (6/8)

Portugalia – 16,600 (3/5)

Gara për vendin e dytë mbetet e hapur dhe rezultatet e fazave eliminatore do të jenë vendimtare për shpresat e Italisë për një ekip shtesë në Ligën e Kampionëve sezonin e ardhshëm.