Një vrasje mafioze në qendër të Beogradit ka disa javë që është duke dominuar debatet publike në Serbi.

Më 12 maj, bosët rivalë të botës së krimit, Sasa Vukovic dhe Aleksandar Nesovic, u takuan në Beograd në restorantin Restaurant 27, një lokal i vlerësuar me 16 pikë nga GaultMillau, shkruan gazeta “Blick” e Zürichut. Takimi ishte organizuar nga Veselin Milic, shefi i policisë së kryeqytetit serb, i cili gjithashtu ishte i pranishëm në tavolinë.

Sipas gazetës, qëllimi i takimit ishte pajtimi mes dy rivalëve. Por ngjarjet morën një drejtim tjetër: Vukovic dyshohet se e qëlloi Nesovicin, i cili kishte ardhur pa mbrojtje personale, me dy plumba në bark. Sipas raportimeve, arma e zjarrit ishte sjellë pak më herët në restorantin luksoz nga bashkëshortja e Vukovicit.

Një ditë më pas, partnerja e Nesovicit e raportoi atë si të zhdukur. Në të njëjtën kohë nisën të qarkullonin zëra për një vrasje që dyshohej se ishte tentuar të fshihej. Autoritetet e ndjekjes penale kryen një sërë arrestimesh: u arrestuan shefi i policisë, disa nga truprojat e tij, i dyshuari kryesor Vukovic, bashkëshortja e tij, menaxheri i restorantit dhe një kamarier, i cili dyshohet se kishte pastruar gjurmët e gjakut në restorant.

Vrasja ndodhi më 12 maj në restorantin luksoz "27" në Beograd.

Dy bosët e nëntokës, Sasha Vukoviq dhe Aleksandar Neshoviq, të cilët ishin në armiqësi me njëri-tjetrin, ishin ulur në të njëjtën tryezë për një takim pajtimi.

Ndërmjetësi i këtij takimi ishte askush tjetër veçse Veselin Miliq, shefi i policisë së Beogradit, i cili ishte ulur bashkë me ta.

Por skenari mori një rrjedhë të përgjakshme: Vukoviq dyshohet se qëlloi Neshoviqin me dy plumba në bark. Armën e krimit, pak përpara se të uleshin, ia kishte sjellë në restorant bashkëshortja.

Të nesërmen e krimit, partnerja e Neshoviqit e denoncoi atë si të zhdukur, ndërsa thashethemet për një vrasje të fshehur nga policia nisën të qarkullonin.

Autoritetet ndërmorën një valë arrestimesh: prapa hekurave përfunduan shefi i policisë Miliq, disa nga truprojat e tij, autori i dyshuar Vukoviq, bashkëshortja e tij, pronari i restorantit dhe një kamarier që kishte pastruar gjakun.

Shefi i policisë u shkarkua menjëherë nga detyra, shkruan “Blick”.

Kufoma e viktimës u gjet nëntë ditë pas krimit, më 21 maj.

Mbetjet e Neshoviqit ishin djegur dhe më pas ishin betonuar brenda një fuçie vaji për motorë.

Rasti ka ndezur debate pasi dëshmon lidhjen e ngushtë mes nëntokës dhe shtetit në Serbi.

Shefi i shkarkuar i policisë, Veselin Miliq, përpara se të merrte këtë detyrë, kishte shërbyer si këshilltar i presidentit serb, Aleksandar Vuçiq

Nga ana tjetër, edhe vetë vrasësi i dyshuar, Sasha Vukoviq, kishte punuar dikur si polic.

Aleksandar Neshoviq nuk ishte një emër i panjohur për drejtësinë europiane.

Në vitin 2000, ai u bë protagonist i faqeve të para të gazetave zvicerane. Në mars të atij viti, si një 26-vjeçar, ai ishte arrestuar në Zürich për tregti droge. Pas gjashtë muajsh në paraburgim, ai organizoi një arratisje si nëpër filma, shkruan “Blick”.

Pasi u ankua për dhimbje dhëmbi, ai u dërgua më 5 tetor 2000 nga burgu në klinikën dentare të Universitetit të Zürichut. Sapo mbërriti, dy policët shoqërues u përballën me një person të armatosur dhe të maskuar, i cili i detyroi të shtriheshin në tokë.

Neshoviq, i lidhur me pranga në duar dhe këmbë, u arratis me ndihmën e bashkëpunëtorit në një makinë “Mercedes” të vjedhur, ku po prisnin edhe dy persona të tjerë.

Zyra e Prokurorisë së Përgjithshme në Zürich konfirmoi se që nga ajo ditë, ai nuk ra më kurrë në duart e drejtësisë zvicerane.

Lidhja e gangsterit me Zvicrën mbeti aktive deri në vdekjen e tij. Pas lajmit për vrasjen, një influencuese e njohur mode me banim në Zürich, e cila numëron mbi 85,000 ndjekës në Instagram, bëri një postim publik ku mbante zi për Neshoviqin, të cilin e kishte kumbar të pagëzimit.

“Ike në një mënyrë që asnjë njeri nuk e meriton”, shkroi ajo në postimin që mori rreth 5000 pëlqime, duke e cilësuar si “një baba të dytë”. Pasi u kontaktua nga gazeta zvicerane “Blick”, influencuesja zgjodhi të mos përgjigjej dhe e fshiu menjëherë postimin nga rrjetet sociale.