Përballja e sotme çerekfinale e Ligës së Kampionëve mes Barcelonës dhe Atlético Madridit shënon takimin e tyre të pestë që nga fillimi i dhjetorit, me skuadrën e Hansi Flick që kërkon të konfirmojë dominimin e fundit pas tetë fitoreve në nëntë ndeshjet e fundit.

Barcelona hyn në fushë si lidere e La Ligës dhe me sulmin më efikas në UCL nën drejtimin e Flick, por do të ketë vështirësi për shkak të mungesave të Raphinha-s, De Jong-ut dhe Araújo-s, duke ia lënë peshën kryesore sulmit Lewandowski-t dhe Lamine Yamal-it, i cili është në prag të thyerjes së një rekordi historik.

Ndërkohë, Atlético e Diego Simeones synon të përmbysë krizën e tri humbjeve radhazi dhe të thyejë traditën negative në 'Camp Nou' që zgjat prej vitit 2006, duke u mbështetur te Julián Alvarez si specialist i garave evropiane për të siguruar një rezultat pozitiv përpara ndeshjes së kthimit.

Formacionet zyrtare:

Barcelona (4 - 2 - 3 – 1): Garcia J., Kounde J., Cubarsi P., Martin G., Cancelo J., Garcia E., Pedri, Rashford, Olmo, Lamine Yamal, Lewandowski

Atletico Madrid (4-4-2): Musso, Molina, Le Normand, Hancko, Ruggeri, Simeone, Llorente, Koke, Lookman, Griezmann, Alvarez

KosovaPress