Granit Xhaka është vetëm një ndeshje larg një tjetër momenti historik me Kombëtaren e Zvicrës. Mesfushori 33-vjeçar pritet të regjistrojë paraqitjen e tij të 150-të me fanellën helvete në përballjen ndaj Algjerisë, e vlefshme për fazën e 1/16 së finales në Kupën e Botës 2026.

Xhaka është tashmë futbollisti me më së shumti paraqitje në historinë e përfaqësueses zvicerane dhe vazhdon të zgjerojë rekordin e tij. Debutimin me ekipin kombëtar e bëri në vitin 2011, ndërsa gjatë më shumë se një dekade është shndërruar në liderin e padiskutueshëm të skuadrës, duke qenë kapiten në turnetë më të mëdhenj ndërkombëtarë.

Për mesfushorin, ndeshja nuk do të jetë vetëm një sfidë për kualifikim, por edhe një tjetër gur kilometrik në një karrierë të jashtëzakonshme me fanellën e kombëtares.