Viti 2026 parashihet të jetë sfidues në aspektin ekonomik për Kosovën. Kësisoj po vlerëson Fondi Monetar Ndërkombëtar në raportin e fundit, në të cilin ndër të tjerash ky institucion financiar ndërkombëtar vlerëson se ekonomia e Kosovës po ngadalësohet, ndërsa çmimet dhe inflacioni po vazhdojnë të rriten, duke bërë thirrje për më shumë kujdes në menaxhimin e parasë publike.

Sipas raportit të fundit, rritja ekonomike 3.6 për qind në vitin 2025 në Kosovë, për vitin 2026 pritet të bjerë edhe më tej, në rreth 3.3 për qind, trasmeton KosovaPress.

Ndërsa, Fondi Monetar Ndërkombëtar ((FMN) parashikon se ekonomia e Shqipërisë do të rritet me 3.4 për qind deri në fund të vitit. Ky parashikim është 0.2 për qind më i ulët nga vlerësimi i mëhershëm, ai i tetorit 2025.

Me ulje prej 2 pikë përqindje është rishikuar dhe pritshmëria për vitin 2027, nga 3.4 për qind që ishte vlerësimi fillestar, në 3.2 për qind në vlerësimin e ri.

Rishikimi në ulje vjen në linjë me zhvillimet ndërkombëtare dhe pasigurive që janë shtuar si rrjedhojë e luftës në Lindjen e Mesme, e cila ka goditur tregjet globale të energjisë.

Në këto nivele, rënien më të madhe në pritshmëritë ekonomike shënon Serbia, me 2.8%, transmeton Euronews Albania.

Parashikimi i FMN qëndron në të njëjtën linjë me vlerësimin e fundit të bërë nga Banka Botërore, ndërsa Ministria e Financave në Shqipëri ka pritshmëri më të larta, teksa deklaron se ekonomia do të rritet në rreth 4 për qind.

Ndërkohë, duke iu referuar çmimeve ne tregje, FMN pret rritje të inflacionit  deri në 3.7%  këtë vit, nga 3% që programonte 6 muaj më parë, shkruan Euroneës Albania.

Në nivel global, FMN thotë se barra më e madhe ekonomike pritet të bjerë mbi vendet e përfshira në konflikt dhe mbi ekonomitë më të brishta, veçanërisht vendet në zhvillim që importojnë lëndë të para energjetike.

Raporti me grafikonin e FMN-së për Kosovë:

/Kosovapress/