Kandidati nga radhët e Partisë Demokratike e Kosovës për deputet, Elmi Reçica, ka zhvilluar një takim me banorë dhe familje të fshatit Kovaçec të Kaçanikut, ku ka bashkëbiseduar me qytetarët për sfidat me të cilat ata përballen në jetën e përditshme.

Gjatë takimit, Reçica theksoi rëndësinë e një qeverisjeje që, sipas tij, do të krijojë më shumë mundësi për zhvillim ekonomik, vende të reja pune dhe mirëqenie për familjet në të gjithë vendin.

Ai shprehu mirënjohje për mikpritjen dhe mbështetjen e banorëve të Kovaçecit, duke vlerësuar besimin që ata po i japin kandidaturës së tij dhe programit të PDK-së.

Takimi u zhvillua në kuadër të aktiviteteve elektorale të kandidatit para zgjedhjeve të ardhshme, ku ai po prezanton vizionin dhe prioritetet e tij për qytetarët.

“Mes miqve dhe familjeve të Kovaçecit në Kaçanik, bashkëbiseduam për sfidat me të cilat përballen qytetarët dhe për nevojën e një qeverisjeje që sjell zhvillim, vende pune dhe mirëqenie për çdo familje.

Faleminderit për mikpritjen, besimin dhe mbështetjen tuaj!

#PDK125 #BedriHamza1 #ElmiReçica17 #STOPKrizesNdryshoKosoven”, ka shkruar ai në Facebook.

/Kosovapress/