Shtyrja e themelimit të Asociacionit do të vështirësojë pozitën e Kosovës, thotë profesori i të drejtës kushtetuese, Arsim Bajrami. Sipas tij, Kosova e ka detyrim që të bëjë një hap të tillë në pajtim me Kushtetutën e Kosovës. Ndërkombëtarët i kanë bërë disa herë presion institucioneve vendore për themelimin e Asociacionit të komunave me shumicë serbe në Kosovë, duke e konsideruar si çështje kyçe dhe urgjente. Bajrami flet edhe për proceset gjyqësore që po zhvillohen pranë Dhomave të Specializuara të Kosovës në Hagë. Sipas tij, ka tendencë për rishkrim të historisë së Kosovës. Gjykimi i ish-krerëve të Ushtrisë Çlirimtare të Kosovës, thotë Bajrami, është proces i rrezikshëm. Në intervistën për KosovaPress, profesori i të drejtës kushtetuese, Arsim Bajrami thotë se ka shkelje të shumta nga Dhomat e Specializuara. Në një intervistë për KosovaPress, Bajrami flet edhe për qasjen e Serbisë dhe tendencën për “agresion juridik” në Kosovë. Së fundmi, Qeveria e Serbisë ka miratuar projektligj për juridiksion gjyqësor serb në Kosovë. Për këtë kanë reaguar Shtetet e Bashkuara të Amerikës dhe Bashkimi Evropian, duke thënë se “Serbia ka vepruar në kundërshtim me zotimet e saj në dialogun me Kosovën”. Në anën tjetër, Bajrami flet edhe për numrin e madh të ligjeve të dërguara nga opozita në Gjykatë Kushtetuese për interpretim. Sipas tij, në të gjitha demokracitë tranzicionale ka shkelje kushtetuese. Megjithatë, shprehet se viteve të fundit këto raste kanë qenë shqetësuese. Derisa komenton përplasjet e pozitës dhe opozitës për dërgimin e ligjeve në Kushtetuese, Bajrami thotë se nuk ka tendencë të bllokimit të qeverisë aktuale. Sipas tij, ka emancipim të politikës kosovare që të procedojë me kërkesa për vlerësimin e kushtetutshmërisë së ligjeve. Lajmi i plotë në sistemin me parapagim...