Atletico Madrid pret Barcelonën në një nga ndeshjet më të mëdha të javës në La Liga, në një duel që mund të ndikojë drejtpërdrejt në garën për titull.

Takimi zhvillohet në Madrid dhe është i pari nga tre përballjet mes dy skuadrave brenda pak ditësh, përfshirë edhe sfidat në Ligën e Kampionëve. 

Atletico Madrid është më i fokusuar te garat evropiane dhe Kupa e Mbretit, pasi në La Liga ka më pak shanse për titull, por kërkon një rezultat pozitiv. Në anën tjetër, Barcelona hyn në këtë sfidë si lider i kampionatit dhe ka nevojë për fitore për të ruajtur distancën nga ndjekësit, veçanërisht nga Real Madrid.

Ndërkaq Atletico mbetet i fortë në shtëpi derisa të dy ekipet përballen me mungesa të rëndësishme, Barcelona pa Raphinha dhe disa lojtarë të tjerë kyç kurse Atletico me disa mungesa në mesfushë dhe mbrojtje, përfshirë lojtarë të pezulluar dhe të dëmtuar.

Formacionet e mundshme:

Atletico (4-4-2): Oblak; Molina, Pubill, Hancko, Ruggeri; Simeone, Baena, Koke, Lookman; Alvarez, Sorloth.

Barcelona (4-2-3-1): J. Garcia; E. Garcia, Cubarsi, Martin, Cancelo; Bernal, Pedri; Yamal, Lopez, Rashford; Lewandowski.

Ndeshja zhvillohet sot më katër prill, në stadiumin “Riyadh Air Metropolitano”, nga ora 21:00.

KosovaPress