Policia e Kosovës ka arrestuar një person të dyshuar lidhur me një shpërthim që ka ndodhur në fshatin Strellc i Epërm në Deçan.

Si erdhi deri tek arrestimi?

Sipas policisë, Stacioni Policor në Deçan më 9 qershor 2026 kishte pranuar informacion për një shpërthim në oborrin e shtëpisë së viktimës. Menjëherë pas pranimit të informatës, zyrtarët policorë kanë dalë në vendin e ngjarjes dhe kanë nisur veprimet hetimore.

Në koordinim me Prokurorin e Shtetit, hetuesit e Sektorit Rajonal për Hetime kanë zhvilluar hetime intensive, të cilat kanë rezultuar me identifikimin e një personi të dyshuar.

Policia njofton se më 10 qershor 2026 është arrestuar i dyshuari lidhur me këtë rast. Pas intervistimit nga hetuesit, në prani të avokatit mbrojtës, me vendim të prokurorit të shtetit, ai është dërguar në mbajtje për 48 orë.

/Kosovapress/