Kimi Antonelli ka rikthyer Mercedesin në majën e podiumit, duke fituar Çmimin e Madh të Belgjikës dhe duke forcuar pozitën e tij në krye të kampionatit të Formula 1.

Piloti italian 19-vjeçar zhvilloi një garë të fortë dhe kaloi vijën e finishit 1.9 sekonda para Charles Leclerc të Ferrarit, ndërsa në vendin e tretë u rendit kampioni katër herë i botës, Max Verstappen me Red Bull.

Kjo ishte fitorja e gjashtë e sezonit për Antonellin, i cili gjithashtu regjistroi pole position-in e gjashtë të vitit. Me këtë sukses, ai ka arritur në 204 pikë, duke krijuar një epërsi prej 45 pikësh ndaj Lewis Hamiltonit.

Gara në Belgjikë ishte e mbushur me incidente që në fillim. George Russell u detyrua të tërhiqej pas një përplasjeje me Hamiltonin në xhiron e parë, ndërsa piloti i Ferrarit u përball edhe me një penalizim prej pesë sekondash pas incidentit në pistë.

Me këtë fitore, Antonelli vazhdon të udhëheqë kampionatin dhe konfirmohet si një nga yjet e rinj më të mëdhenj të Formula 1.

KosovaPress