3000 euro për fituesin, rikthehet turniri tradicional “Ibrahim Mazreku-Tornado”
Sport
Lexohet për: 1 min.
Dëgjoje me zë...
3000 euro për fituesin, rikthehet turniri tradicional “Ibrahim Mazreku-Tornado”
Komuna e Malishevës, në bashkëpunim me Klubin e Futsallit Malisheva, do të organizojë edhe këtë vit turnirin tradicional të futbollit të vogël “Ibrahim Mazreku-Tornado”, në nder të 16 Qershorit – Ditës së Çlirimit të Malishevës dhe dëshmorëve të kësaj komune.
Turniri do të zhvillohet në fushën sportive në Lubizhdë, në magjistralen Malishevë-Kijevë, ndërsa shorti i garës do të tërhiqet më 5 qershor 2026 dhe do të transmetohet drejtpërdrejt në Facebook. Ndërkohë, ndeshjet do të nisin më 6 qershor dhe gjithashtu do të transmetohen LIVE në rrjetet sociale.
Sipas organizatorëve, pjesëmarrja për ekipe kushton 50 euro, derisa turniri pritet të mbledhë skuadra të shumta nga vende të ndryshme shqiptare, duke vazhduar traditën e njërit prej turneve më të njohura të futbollit të vogël në Kosovë.
Sa i përket shpërblimeve, vendi i parë do të fitojë 3000 euro, ndërsa ekipi finalist do të shpërblehet me 1000 euro. Organizatorët kanë paraparë edhe çmime individuale prej 100 eurosh për lojtarin dhe portierin më të mirë të turnirit.
KosovaPress
