Jude Bellingham ka sqaruar përfundimisht se çfarë është thënë gjatë përplasjes së tij me Lionel Messin në gjysmëfinalen e Kupës së Botës 2026 mes Anglisë dhe Argjentinës, duke hedhur poshtë spekulimet se mes dy futbollistëve kishte pasur ndonjë konflikt personal.

Momenti mes dy yjeve të futbollit ndodhi gjatë një pjese të tensionuar të ndeshjes, teksa Anglia kërkonte të rikthehej në rezultat. Kamerat televizive kapën Bellinghamin dhe Messin duke shkëmbyer disa fjalë, pamje që më pas u bënë virale në rrjetet sociale.

Pas përfundimit të takimit, mesfushori anglez tregoi se biseda kishte të bënte vetëm me një vendim të gjyqtarit dhe një faull të diskutuar gjatë lojës.

“Biseda me Messin? Në fakt, ne po diskutonim për një faull. Nuk ishte asgjë jashtë normales. Jam i sigurt që të gjithë do ta zmadhojnë dhe do ta bëjnë një histori të madhe, por nuk ishte asgjë”, deklaroi Bellingham.

Futbollisti i Real Madridit shpjegoi edhe më shumë rreth momentit

“Mendova se kishte pasur një faull më herët dhe ai tha: ‘Po ai që e bënë ndaj meje?’ Dhe unë i thashë: ‘Je mjaftueshëm i fortë për ta përballuar’, e dini çfarë dua të them?”, tha Bellingham.

Deklarata e Bellinghamit hodhi poshtë komentet në rrjetet sociale, ku shumë tifozë kishin pretenduar se mes tij dhe kapitenit argjentinas kishte pasur një përplasje personale.

Përplasja mes dy lojtarëve u kthye shpejt në një nga momentet më të diskutuara të gjysmëfinales. Pamjet u shpërndanë me shpejtësi në TikTok, X dhe Instagram, duke nxitur reagime të shumta nga tifozët.

Në fund, Argjentina arriti të përmbyste Anglinë me rezultat 2-1 dhe siguroi një vend në finalen e Kupës së Botës.

KosovaPress